Loyiha haqida
MUAMMO
Restoranning doimiy mijozlari — eng qimmatli, ayni paytda eng qiyin kuzatiladigan qatlam. Qog'oz chegirma kartalari yo'qoladi, chegirma kassadagi odam yuzni tanishiga bog'liq bo'lib qoladi, stol bandlovi esa eng gavjum payt telefon orqali keladi. Yangi taom haqida doimiy mijozga xabar berishning ishonchli yo'li yo'q, kim qaytib kelayotgani ham hech qayerda yozilmaydi.
NIMA QURDIK
iOS va Android uchun ilova — sodiqlik dasturi, menyu va bandlov mijozning cho'ntagida.
Cashback kassadagi QR kod orqali ishlaydi: kassir kodni chiqaradi, mehmon skanerlaydi, summa hisobiga tushadi. Sarflash ham xuddi shunday — karta ham, qog'oz ham, eslab qolish ham kerak emas. Har bir mehmonda shaxsiy taklif kodi bor: do'sti o'sha kod bilan ro'yxatdan o'tsa, hisobga bonus qo'shiladi.
To'liq menyu ilovada turadi, ya'ni mehmon kelishdan oldin tanlaydi. Stol telefon orqali emas, sana, vaqt va mehmonlar soni bo'yicha bandlanadi. Yangiliklar va aksiyalar to'g'ridan-to'g'ri doimiy mijozga boradi. Har bir mehmon o'z balansi, tashriflar tarixi va sodiqlik darajasini bir joyda ko'radi.
Ilova o'zbek, rus va ingliz tillarida ishlaydi. Ro'yxatdan o'tish — telefon raqami va SMS kodi.
NATIJA
Sodiqlik dasturi endi odat emas, tizim: har bir tashrif, har bir bonus va har bir bandlov yozib boriladi, restoran esa allaqachon qaytib kelayotgan odamlarga to'g'ridan-to'g'ri murojaat qila oladi.
